Lucas Digne, leikmaður Everton, hefur opnað sig um áfallið sem hann varð fyrir í sumar er hann var ekki valinn í franska landsliðshópinn á HM.

Digne spilaði reglulega fyrir Frakka í undankeppninni en fékk óvænt ekki að fara með í lokakeppnina.

Digne er ennþá ringlaður yfir því af hverju hann fékk ekki að fara og segir að það hafi verið stór misskilningur.

,,Stærsti misskilningurinn var vegna spilatíma. Þegar það var sagt að ég hafi ekki spilað nóg en Benjamin Mendy spilaði heldur ekki mikið svo ég gat ekki skilið þetta,“ sagði Digne.

,,Ég ræddi við þjálfarann Didier Deschamps og það gekk vel. Það sem var sagt er á milli okkar.“

,,Við ræddum saman sem menn, sem tveir gáfaðir einstaklingar. Ég sagði honum að ég væri að búast við því að vera valinn.“

,,Þetta voru mikil vonbrigði og misskilningur því ég hafði spilað í undankeppninni og spilaði vel. Ég fékk ekki að fara lengra og reyndi að kyngja því en það er aldrei auðvelt.“