Björn Berg Bryde hefur skrifað undir þriggja ára samning við Stjörnuna. Þetta hefur verið staðfest.
Björn kemur til liðsins frá Grindavík þar sem hann hefur verið jafn besti leikmaður liðsins síðustu ár.
Björn ólst upp hjá FH en hefur nú samið við Stjörnuna. Hann mun keppa við Daníel Laxdal og Brynjar Gauta Guðjónsson um stöðu í hjarta varnarinnar.
Yfirlýsing Stjörnunnar:
Stjarnan hefur samið við miðvörðinn knáa Björn Berg Bryde. Björn skrifaði undir 3 ára samning við félagið en hann hefur undanfarin ár spilað með Grindavík þar sem hann hefur meðal annars leikið okkur Stjörnumenn grátt. Stjórn knattspyrnudeildar bindur miklar vonir við þennan stóra og stæðilega leikmann.
Björn vertu velkominn!