Wayne Rooney fyrrum fyrirliði Manchester United telur að leikmenn félagsins verði að axla ábyrgð, ekki sé hægt að setja ábyrgðina alla á Jose Mourinho.
Mourinho hefur legið vel við höggi síðustu vikur vegna árangurs United en Rooney sér hlutina ekki þannig.
,,Jose er gerður að sökudólgi en leikmennirnir verða að stíga upp,“ sagði Rooney.
,,Það verður að vera hægt að treysta á þá og leikmennirnir verða að spila betur.“
Rooney segir að sama hafi gerst undir stjórn Louis van Gaal. ,,Ég sagði það sama þegar Van Gaal var með liðið.“
,,Hann fékk gagnrýni en í búningsklefanum þá lét ég leikmenn vita að við yrðum að gera betur.“
,,Van Gaal var með frábæra taktík en við gerðum hlutina ekki, ég vona að menn taki ábyrgð í klefanum.“
