Jamie O´Hara fyrrum miðjumaður Tottenham er í vandræðum eftir að hafa sleppt því að borga meðlag í talsverðan tíma.
Hann leikur í dag með Billericay Town í utandeildinni en O´Hara er 32 ára gamall og var mikið efni.
Hann hætti með Danielle Lloyd, sem var eiginkona hans fyrir nokkrum árum. Hún er fræg fyrirsæta á Englandi.
Þau hafa átt í deilum um það hversu stóran hluta Loyd á að fá frá O´Hara og tekjum hans.
O’Hara hefur ákveðið að sleppa því að greiða henni meðlag á meðan deilurnar eru og skuldar hann nu 27 þúsund pund í meðlag.
Ef O’Hara fer ekki að gera upp skuld sína mun hann á endanum þurfa að fara í fangelsi.