Nile Ranger er einn frægasti vandræðagemsi í enska fótboltanum síðustu ár, hann var mikið efni.

Ranger ólst upp hjá Newcastle en vandræði hans við að mæta á æfingar og að fara eftir lögum og reglum hafa orðið honum að falli.

Lögreglan hefur haft afskipti af Ranger en hann var rekinn frá Southend í janúar. Ástæðan var þó ekki brot á alvarlegum reglum.

Ranger á í vandræðum með að vakna á morgnana og mæta á réttum tíma.

,,Ég hef verið rekinn frá nokkrum félögum, það er ekki gott,“ sagði Ranger.

,,Ég hef ekki verið í vandræðum í mörg ár, Southend losaði sig bara við mig því ég mætti aldrei á tíma.“

,,Ég veit að ég þarf að laga þetta, ég þarf að mæta fyrr á æfingar. Ég er þroskaður einstaklingur og á að vita betur, ég verð að laga þetta.“