Arnór Sigurðsson var ekki valinn í íslenska landsliðshópinn fyrir leiki gegn Frökkum og Sviss.
Arnór er á mála hjá rússnenska félaginu CSKA Moskvu og kom inná gegn Real Madrid í Meistaradeildinni á dögunum.
Búist var við að Arnór yrði í hópnum sem var opinberaður í dag en Erik Hamren ákvað að velja hann ekki.
Albert Guðmundsson var hins vegar valinn í hópinn en hann spilar með liði AZ Alkmaar í Hollandi.
,Við höfum rætt hann, það eru þrír eða fjórir áhugaverðir í U21 árs landsliðinu sem ég tel að geti komið inn. Ég hef séð hann hjá Norköpping áður en ég tók við Íslandi, hann verður góður ef hann heldur svona áfram,“ sagði Hamren.
,,Ungir leikmenn þurfa að spila, hann þarf fleiri leiki. Það er betra að spila í U21 gegn tveimur sterkum liðum og fá reynslu.“
,,Hann á bara að baki tvo leiki með U21, ég hef trú á honum. Spilaðu með U21, þú þarft að spila. Albert hefur verið góður með AZ, ungir leikmenn þurfa að spila.“