Það er ljóst að Erik Hamren, landsliðsþjálfari karla hefur allt að sanna eftir mjög svo erfiða byrjun í starfi.
Í fyrstu lotu sinni sem þjálfari karlalandsliðsins tapaði Ísland báðum leikjum sínum, 6-0 gegn Sviss og 0-3 gegn Belgíu.
Hamren velur næsta landsliðshóp sinn á morgun, fram undan eru leikir gegn Frakklandi og Sviss. Æfingaleikur gegn Heimsmeisturunum ytra og síðan er það Sviss í Þjóðadeildinni.
Fyrsti landsliðshópur Hamren var að mörgu leyti skrýtinn, þar vantaði lykilmenn. Aron Einar Gunnarsson, Alfreð Finnbogason og Jóhann Berg Guðmundsson voru fjarverandi vegna meiðsla. Alfreð og Jóhann eru klárir í slaginn og líkur eru á að Aron verði með.
Háværar raddir heyrast og gera kröfu um það að Hamren fari að velja yngri menn í hópinn. Þar eru Albert Guðmundsson, Arnór Sigurðsson og Jón Dagur Þorsteinsson nefndir til sögunnar.
Ljóst má vera að talverðar breytingar verða á hópnum hans Hamren en hann hafði aðeins verið í nokkra daga í starfi þegar hann og Freyr Alexandersson völdu sinn fyrsta hóp.
Markverðir
Hannes Þór Halldórsson
Rúnar Alex Rúnarsson
Frederik Schram
Varnarmenn
Ari Freyr Skúlason
Hörður Björgvin Magnússon
Jón Guðni Fjóluson
Ragnar Sigurðsson
Kári Árnason
Sverrir Ingi Ingason
Hólmar Örn Eyjólfsson
Birkir Már Sævarsson
Miðjumenn
Arnór Ingvi Traustason
Birkir Bjarnason
Emil Hallfreðsson
Guðlaugur Victor Pálsson
Gylfi Þór Sigurðsson
Rúnar Már Sigurjónsson
Rúrik Gíslason
Guðmundur Þórarinsson
Theodór Elmar Bjarnason
Sóknarmenn
Björn Bergmann Sigurðarson
Kolbeinn Sigþórsson
Jón Daði Böðvarsson
Viðar Örn Kjartansson
