Ragnar Sigurðsson er gengin til liðs við Rostov en þetta staðfesti hann við 433.is núna rétt í þessu.
Hann kemur til félagsins frá Rubin Kazan en eftir að hafa ekki fengið greidd laun frá félaginu ákvað hann að róa á önnur mið en hann skrifar undir samning við félagið út tímabilið og er laus allra mála hjá Fulham.
Ragnar er fastamaður í íslenska landsliðinu og hefur verið það undanfarin ár en hann átti frábært EM í Frakklandi árið 2016 þar sem hann var einn besti maður liðsins.
Hjá Rostov hittir hann fyrir þá Björn Bergmann Sigurðarson og Sverrir Inga Ingason, liðsfélaga sína hjá íslenska landsliðinu.
Þá hefur Hörður Björgvin Magnússon einnig verið sterklega orðaður við rússneska félagið sem situr í níunda sæti deildarinnar með 25 stig, 10 stigum frá Evrópusæti.