Markahrókurinn Patrick Pedersen hefur verið valinn besti leikmaður Pepsi-deildar karla sumarið 2018.
Pedersen reyndist mjög öflugur fyrir Val á leiktíðinni og endaði sem markahæstur í deildinni.
Daninn skoraði 17 mörk í 21 leik fyrir Val sem vann Íslandsmeistaratitilinn annað árið í röð.
Það eru leikmenn Pepsi-deildarinnar sem sjá um að velja besta leikmanninn og fékk Pedersen flest atkvæði.
Lengi var búist við að Hilmar Árni Halldórsson hjá Stjörnunni yrði fyrir valinu en það hægði töluvert á honum undir lok sumars.
