Haukur Páll Sigurðsson, fyrirliði Vals, gat brosað í dag eftir 4-1 sigur á Keflavík í dag. Valur er Íslandsmeistari annað árið í röð.
Haukur viðurkennir það að leikurinn í dag hafi verið spes en Keflavík var löngu fallið fyrir lokaumferðina.
,,Þetta er alveg geggjað maður, eins og ég sagði einhvern tímann fyrir nokkrum árum þegar við urðum bikarmeistarar, þetta er ástæðan af hverju ég kom í Val,“ sagði Haukur.
,,Ég vildi berjast um titla, það tók smá tíma en biðin var þess virði þegar maður er kominn með þessa titla.“
,,Deildin er hörkugóð og það eru mörg góð lið. Þetta var mjótt á mununum, færri stig í ár og eins og ég segi deildin er sterk.“
,,Ég viðurkenni það að þetta var erfitt. Umtalið um það að við ættum bara að labba yfir þennan leik en þetta var bara hugarfar hjá okkur.“
,,Við vorum staðráðnir í því að klára þetta almennilega og sigla þessu heim. Smá tricky leikur en frábær frammistaða.“