Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Zinedine Zidane, fyrrum stjóri Real Madrid, er byrjaður að læra ensku en hann býst við að taka við af Jose Mourinho hjá Manchester United. (Sun)
Dele Alli, leikmaður Tottenham á Englandi, verður frá næsta mánuðinn vegna meiðsla. (Inews)
Framtíð bakvarðarins Benjamin Mendy er í óvissu hjá Manchester City en Pep Guardiola er orðinn þreyttur á leikmanninum. (ESPN)
Ed Woodward, stjórnarformaður Manchester United, hefur sagt Paul Pogba að hann fái ekki að ganga í raðir Barcelona. (Sun)
Gareth Southgate, landsliðsþjálfari Englands, mun fylgjast með miðjumanninum James Maddison um helgina er Leicester City spilar við Newcastle. (Telegraph)
Saul Niguez, leikmaður Atletico Madrid, segir að hann myndi aldrei skrifa undir hjá Real Madrid en var þó í eitt skipti nálægt því að semja við Barcelona. (Cadena Ser)