Miðjumaðurinn Paul Pogba mun aldrei aftur fá fyrirliðabandið hjá félaginu undir stjórn Jose Mourinho.
Enskir miðlar greina frá þessu í kvöld og er einnig gefið í skyn að Mourinho sé búinn að taka þá ákvörðun.
,,Leikurinn gegn Wolves var mikilvæg kennslustund. Kennslustund sem ég er með viku eftir viku og sumir eru ekki að læra,“ sagði Mourinho fyrir leik gegn Derby í kvöld.
United gerði 1-1 jafntefli við Wolves í ensku úrvalsdeildinni og var Mourinho langt frá því að vera sáttur með þau úrslit.
Það er því útlit fyrir það að Pogba verði ekki með fyrirliðaband United í kvöld í deildarbikarnum.
Þetta ýtir enn frekar undir þær sögusagnir að Frakkinn sé á förum en hann hefur margoft vrið orðaður við brottför.