Markvörðurinn Alisson Becker verður ekki í marki Liverpool á morgun sem mætir Chelsea.
Liðin eigast við í enska deildarbikarnum á Anfield en Alisson mun fá hvíld í þeim leik.
Jurgen Klopp, stjóri Liverpool, hefur staðfest það en hann ætlar að gera nokkrar breytingar á sínu liði.
Belginn Simon Mignolet verður í markinu á morgun en hann byrjar sinn fyrsta leik frá því í janúar.
Chelsea og Liverpool mætast svo aftur um næstu helgi í deildinni og mun Alisson þá snúa aftur í markið.