Cristiano Ronaldo, leikmaður Juventus, lét ekki sjá sig á verðlaunaafhendingu FIFA í kvöld.
Ronaldo kemur til greina sem besti leikmaður ársins hjá FIFA en hann stóð sig afar vel með bæði Real og Portúgal.
Ronaldo á séns á verðlaununum ásamt Luka Modric og Mohamed Salah sem áttu báðir einnig gott ár.
Portúgalinn ákvað hins vegar að vera um kyrrt á Ítaliu en hann spilar í dag með liði Juventus.
Modric og Salah ákváðu báðir að ferðast til London og mæta á afhendinguna sem er nú hafin.
Ronaldo spilaði með Juventus í gær í ítölsku úrvalsdeildinni og skoraði í sigri á Frosinone.