Mario Götze, leikmaður Borussia Dortmund, hefur verið mikið gagnrýndur fyrir frammistöðu sína á þessu og síðasta tímabili.

Götze hefur ekki fundið sig eftir að hafa komið aftur til Dortmund árið 2016 en hann stoppaði stutt hjá Bayern Munchen.

Kevin Grosskreutz, fyrrum liðsfélagi Götze, segir að gagnrýnin sé ósanngjörn og vill sjá félaga sinn færa sig um set. Hann vill sjá hann spila fyrir fyrrum stjóra Dortmund, Jurgen Klopp.

Götze var magnaður fyrir Klopp á sínum tíma hjá Dortmund og var lengi lykilmaður í þýska landsliðinu.

,,Ég vorkenni Mario Götze mikið þessa stundina því það er skrifað eitthvað um hann, bara hann, á hverjum degi,“ sagði Grosskreutz.

,,Í Belgíu þá spilaði allt liðið illa. Kannski væri það gott fyrir hann að fara annað í vetur og finna meiri frið og koma ferlinum aftur af stað.“

,,Jurgen Klopp þekkir hann ansi vel og ég held að hann myndi henta Liverpool vel.“