FH vann Íslandsmeistara Vals í Pepsi-deild karla í dag en liðin áttust við á Kaplakrikavelli í næst síðustu umferð sumarsins.
Valur hefði getað tryggt sér titilinn með sigri en það voru heimamenn sem höfðu betur. Eddi Gomes sá um að tryggja FH 2-1 sigur með marki í uppbótartíma.
Hér má sjá það góða og slæma úr leiknum.
Plús:
Hvernig FH tryggði sér sigurinn var magnað, jafntefli hefðu verið ágætis úrslit en þeir skutluðu Gunnari Nielsen fram í síðustu sókn. Eddie Gomes skoraði svo sigurmarkið. Magnaður sigur
Patrick Pedersen sást ekkert mikið í leiknum en hann kláraði færið sem skipti máli. Svona gera alvöru framherjar. Besti leikmaður deildarinnar í sumar.
Guðmundur Kristjánsson átti enn á ný góðan leik í liði FH, verið jafn besti maður liðsins í sumar. Sama hvort það sé í hjarta varnarinnar eins og í dag eða á miðjunni.
FH á enn möguleika á Evrópusæti en þurfa að treysta á að KR tapi stigum gegn Víkingi í síðustu umferð og þeir verða að vinna Stjörnuna.
Ólafur Kristjánsson setti FH í 3-4-3 kerfið í dag og það virkaði vel. Liðið var mjög öflugt varnarlega.
Mínus:
Eddie Gomes skoraði vissulega sigurmarkið en einbeiting hans varnarlega er oft ábótavant.
Dion Acoff átti algjöran hauskúpuleik fyrir Val, komst reglulega í góð tækifæri til að búa til hluti og skora. Hljóp frekar út af vellinum.
Ólafur Jóhannesson, þjálfari Vals hefði mátt gera skiptingar á liði sínu fyrr.