Ólafur Kristjánsson, þjálfari FH, gat brosað í dag eftir 2-1 sigur liðsins á Val en sigurmark liðsins kom í uppbótartíma.

Ólafur ákvað að senda Gunnar Nielsen, markmann liðsins, fram í síðustu sókn og tókst liðinu að skora eftir hornspyrnu. Eddi Gomes sá um að koma boltanum i netið.

,,Það var eitthvað gut feeling að setja einn í viðbót og Ási sagði mér reyndar að það væri jafntefli í KR leiknum,“ sagði Ólafur um ákvörðunina að setja Gunnar fram.

,,Mér fannst einhvern veginn að eftir þetta mark sem við fengum á okkur að fjandakornið ef við myndum setja þrýsting þá myndi eitthvað dottið fyrir okkur.“

,,Í fyrri hálfleik vorum við órólegir á boltann en áttum skot í stöng. Við pressuðum illa og fórum aftur á bak í staðinn fyrir að fara upp í Valsarana.“

,,Ég var ekki smeykur eftir að þeir jöfnuðu en mér fannst þetta vera einhvern veginn týpískt fyrir sumarið að markið myndi vera svona. Patrick Pedersen er frábær senter og hefur skorað mörk þar sem hann hefur þurft að hafa aðeins meira fyrir hlutunum.“

Nánar er rætt við Ólaf hér fyrir neðan.