Joey Barton, stjóri Fleetwood Town, er enginn aðdáandi Neymar, leikmanns Paris Saint-Germain.
Barton gagnrýndi Neymar fyrst árið 2013 er hann sagði að sóknarmaðurinn væri frábær á YouTube en ekki í raunveruleikanum.
Barton hefur nú enn eina ferðina skotið á Neymar og líkir honum við bandarísku ofurstjörnuna Kim Kardashian.
,,Hann er Kim Kardashian fótboltans,“ sagði Barton í viðtali við franska blaðið L’Equipe.
,,Neymar er ekki besti leikmaður heims, við fengum að sjá það í Rússlandi. Hann er ekki á sama stað og Cristiano Ronaldo og Lionel Messi og það eru margir aðrir betri en hann.“
,,Neymar er auglýsingaundur frekar en fótboltaundur alveg eins og Kardashian fjölskyldan.“
