Massimiliano Allegri, stjóri Juventus, hefur staðfest það að Douglas Costa hafi verið refsað fyrir hegðun sína í síðasta leik.
Costa missti algjörlega stjórn á sér í sigri á Sassuolo en hann bæði hrækti á og skallaði Federico Di Francesco, leikmann Sassuolo.
Allegri hefur nú staðfest það að Costa hafi borgað fyrir þessa hegðun en vill ekki ræða málið frekar.
,,Varðandi Douglas Costa þá borgaði hann sekt hjá félaginu og skilur hvað hann gerði rangt,“ sagði Allegri.
,,Það sem meira er, nú er hann meiddur. Þetta tilheyrir fortíðinni svo nú höldum við áfram. Við tölum ekki um Sassuolo lengur.“