Arsenal 2-0 Everton
1-0 Alexandre Lacazette(56′)
2-0 Pierre-Emerick Aubameyang(59′)
Arsenal vann sigur í ensku úrvalsdeildinni í dag er liðið fékk Everton í heimsókn á Emirates.
Everton kom sterkt til leiks til London í dag og átti hættulegri færi í fyrri hálfleik sem endaði þó markalaus.
Arsenal komst yfir á 56. mínútu leiksins er Alexandre Lacazette skoraði með fallegu skoti sem fór í stöng og inn.
Þremur mínútum síðar skoraði Arsenal svo annað mark sitt er Pierre-Emerick Aubameyang kom boltanum í netið eftir skyndisókn.
Fleiri mörk voru ekki skoruð og er Arsenal nú í sjötta sæti deildarinnar með 12 stig eftir sex umferðir. Everton er í 12. sæti með aðeins sex stig.
Gylfi Þór Sigurðsson var í byrjunarliði Everton og lék allan leikinn fyrir liðið.