Rafael Benitez, stjóri Newcastle, hefur skotið létt á eiganda liðsins, Mike Ashley sem sá liðið spila gegn Crystal Palace í dag.

Samband Benitez og Ashley er ekki gott en sá fyrrnefndi vildi fá mun meiri pening til leikmannakaupa í sumar.

Ashley hefur þó ekki viljað gefa mikið Benitez til að vinna með og gæti Spánverjinn bráðlega farið annað.

Benitez vildi aðallega fá framherja í sumar sem getur skorað mörk og spyr sig hvort hann geti ekki treyst á að Ashley skori bara mörkin.

,,Nei eiginlega ekki, ég var að tala við fjölmiðla á sama tíma,“ sagði Benitez um hvort hann hafi rætt við Ashley.

,,Ef eigandinn vill styðja liðið þá er það í lagi. Ef eigandinn gæti stigið á völlinn og skorað nokkur mörk þá yrði það betra!“