Jose Mourinho, stjóri Manchester United, segir að sínir menn hafi ekki átt skilið meira en stig í dag er liðið mætti Wolves.

Mourinho var óánægður með sína menn í leiknum og þá sérstaklega sóknarleikinn í 1-1 jafntefli.

,,Þeir áttu stigið skilið og við áttum skilið að fá þessa refsingu sem gefur eitt stig,“ sagði Mourinho.

,,Þeir byrjuðu leikinn betur og voru aggressívari. Þeir vildu þetta meira, ég veit ekki af hverju en þeir voru meira til í þetta en við.“

,,Ég var að búast við meiru frá mínum sóknarleikmönnum. Það vantaði sköpunargáfu, hreyfingu og virkni.“

,,Það var auðvelt fyrir þá að hafa stjórn á okkur síðustu 20 mínúturnar. Við áttum ekki meira skilið.“