Radamel Falcao er nafn sem flestir kannast við en hann var í mörg ár einn heitasti framherji Evrópu.
Falcao hefur undanfarin ár verið samningsbundinn Monaco en hefur leikið með liðum á borð við Atletico Madrid, Manchester United og Chelsea.
Falcao er vinsæll í heimabæ sínum Santa Marta í Kólumbíu enda einn besti knattspyrnumaður landsins.
Falcao er svo vinsæll að borgin ákvað að byggja styttu af framherjanum þar sem má sjá hann taka fagnið fræga er hann lyftir tveimur fingrum upp í loft.
Styttan er í umræðunni á samskiptamiðlum en hún líkist Falcao ekki neitt. Margir spyrja spurninga. ‘Hver er þetta?’ skrifar einn við frétt the Daily Mail.
Það er erfitt að sjá hvernig þessi stytta á að líkjast Falcao en dæmi nú hver fyrir sig.