Steven Lennon, leikmaður FH í Pepsi-deild karla, verður í banni gegn Val á sunnudaginn.
Lennon fékk að líta beint rautt spjald á dögunum er FH mætti Víkingi Reykjavík í deildinni.
Mikið var rætt spjald Lennon en enginn virðist vera með á hreinu hvað nákvæmlega átti sér stað.
FH birti í dag myndband af atvikinu sem átti sér stað en Lennon fékk rautt fyrir að slá í átt aðstoðardómara leiksins, Birki Sigurðarson.
,,Hann slær í áttina að mér og segir ‘you’re a fucking joke’ tvisvar,“ sagði Birkir við Einar Inga Jóhannsson, dómara leiksins.
Hér fyrir neðan má sjá myndband af því sem fór fram.
