Tottenham þurfti að sætta sig við tap í riðlakeppni Meistaradeildarinnar í kvöld er liðið lék við Inter Milan.
Tottenham var sterkari aðilinn í leiknum í fyrri hálfleik en ekkert mark var þó skorað á fyrstu 45 mínútunum.
Christian Eriksen kom Tottenham yfir snemma í síðari hálfleik og leiddi liðið 1-0 þar til fjórar mínútur voru eftir.
Markavélin Mauro Icardi jafnaði þá metin fyrir Inter og útlit fyrir að leikurinn myndi enda í jafntefli.
Í uppbótartíma skoraði þó Matias Vecino sigurmark Inter með skalla og lokastaðan 2-1 á San Siro.
Barcelona fékk lið PSV Eindhoven í heimsókn á sama tíma og var í engum vandræðum með Hollendingana.
Lionel Messi skoraði þrennu í öruggum 4-0 sigri Börsunga og komst Ousmane Dembele einnig á blað.
Inter Milan 2-1 Tottenham
0-1 Christian Eriksen(53′)
1-1 Mauro Icardi(86′)
2-1 Matias Vecino(92′)
Barcelona 4-0 PSV
1-0 Lionel Messi(32′)
2-0 Ousmane Dembele(75′)
3-0 Lionel Messi(77′)
4-0 Lionel Messi(87′)
