Alexis Sanchez, leikmaður Manchester United, hefur ekki verið í sínu besta formi síðan hann samdi við félagið.

Sanchez hefur verið gagnrýndur á þessu tímabili en hann þykir ekki vera að spila sinn besta leik.

Jose Sulantay, fyrrum þjálfari Sanchez hjá Síle segir að Jose Mourinho sé ekki að hjálpa leikmanninum.

,,Ég veit ekki hvort að hann komist í lag bara því þeir spila í frábærri deild. Hann er ekki í jafnvægi og er neikvæður,“ sagði Sulantay.

,,Það verður erfitt fyrir hann að komast í fyrra stand ef hann heldur áfram á sömu braut.“

,,Það er lítil hjálp í Jose Mourinho og hans varnarleik sem snýst um að sparka langt fram og þar er Alexis ekki með. Það ætti að valda honum áhyggjum, vonandi bætir hann sig.“