Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
David Beckham vill fá Lionel Messi til að spila fyrir lið sitt Inter Miami árið 2020 er liðið hefur keppni í MLS deildinni. (Mail)
Jose Mourinho, stjóri Manchester United, ætlar að reyna við Mesut Özil, leikmann Arsenal, í janúar. (Express)
Juventus er tilbúið að leyfa Paulo Dybala að fara til Manchester United í skiptum fyrir miðjumanninn Paul Pogba. (Mirror)
Pogba er þó sjálfur opinn fyrir því að framlengja á Old Trafford ef Zinedine Zidane tekur við. (CaughtOffside)
Juventus bauð 60 milljónir evra í Federico Chiesa, leikmann Fiorentina, í sumar en tilboðinu var hafnað. (Calciomercato)
Chelsea hefur áhuga á að fá framherjann Aleksandar Mitrovic frá Fulham í janúar. (Mirror)
Inter Milan mun reyna að fá Anthony Martial, leikmann Manchester United, á láni í janúar. (Star)