Lucas Perez, leikmaður West Ham, var sagður hafa neitað að koma inná í 3-1 sigri liðsins á Everton í dag.

Perez átti að koma inná eftir meiðsli Marko Arnautovic og var greint frá því að hann hafi einfaldlega sagt nei við Manuel Pellegrini, stjóra West Ham.

Pellegrini hefur nú tjáð sig um atvikið en hann segir að Perez hafi einfaldlega ekki verið tilbúinn á hliðarlínunni.

,,Þetta er mjög einfalt. Þegar Marko meiddist þá vildi ég setja Lucas inná,“ sagði Pellegrini.

,,Ég taldi að hann væri tilbúinn að koma inná en hann sat á bekknum. Antonio var tilbúinn svo við þurftum ekki að tefja. Ég setti hann inná.“

,,Ég þurfti ekki að útskýra þetta fyrir Lucas. Ég þarf ekki að útskýra neitt og þá sérstaklega ekki á meðan leikurinn var í gangi. Ég get gert það í vikunni.“