Maurizio Sarri, stjóri Chelsea á Englandi, er búinn að ákveða það hver verður fyrirliði liðsins á tímabilinu.
Gary Cahill hefur undanfarið ár verið fyrirliði Chelsea en hann fékk mikið að spila undir stjórn Antonio Conte.
Sarri er þó ekki eins hrifinn af Cahill sem hefur þurft að sitja á bekknum á þessu tímabili og kemur lítið við sögu.
Sarri staðfesti það í dag að hann væri búinn að ákveða hver myndi taka við af Cahill.
Talið er að tveir leikmenn komi til greina, þeir Cesar Azpilicueta og Eden Hazard sem er fyrirliði belgíska landsliðsins.
Sarri vildi ekki opinbera ákvörðunina strax en hann ætlar að ræða við sína leikmenn fyrst.