Andrea Pirlo, fyrrum leikmaður AC Milan og Juventus, lagði skóna á hilluna í fyrra eftir farsælan feril.
Pirlo er 39 ára gamall í dag en hann endaði ferilinn hjá New York City í bandarísku MLS deildinni.
Ástralska félagið Avondale FC reynir nú að sannfæra Pirlo um að taka fram skóna á ný.
Avondale vill fá Pirlo til að spila aðeins einn leik með félaginu, í 8-liða úrslitum ástralska bikarsins gegn Sidney FC.
Samkvæmt Fox Sports er Pirlo í viðræðum við félagið og er að íhuga það að taka þátt í leiknum.
Leikurinn verður spilaður þann 19. september næstkomandi og verður fróðlegt að sjá hvort Pirlo verði partur af liði Avondale.
