Manchester United reyndi mikið að fá varnarmann í sumar en Jose Mourinho fékk ekki ósk sína uppfyllta.
United sýndi Jerome Boateng, varnarmanni Bayern Munchen, áhuga en leikmaðurinn hefur sjálfur staðfest það.
Boateng var þó ekki of hrifinn af þeirri áskorun að fara til United og ákvað á endanum að vera um kyrrt.
,,Það komu fyrirspurnig frá bæði Paris Saint-Germain og Manchester United,“ sagði Boateng við Bild.
,,Ég vildi ekki bara komast eitthvað burt frá Bayern en var þó hrifinn af því að taka við nýrri áskorun.“
,,Mér líður vel hjá Bayern, þetta er eitt allra stærsta félag heims.“