Leonardo Bonucci gekk í raðir Juventus í sumar eftir aðeins eitt ár hjá AC Milan á síðustu leiktíð.

Bonucci samdi við Milan frá einmitt Juventus síðasta sumar og var harðlega gagnrýndur af stuðningsmönnum liðsins.

Bonucci er nú mættur aftur til Túrin en stuðningsmenn hafa ekki gleymt því sem átti sér stað og hafa baulað á leikmanninn eftir endurkomuna.

,,Ég skil það að ákvarðanir sem eru teknar í reiði séu ekki réttar. Ég er heppinn að vera kominn þangað sem ég á heima,“ sagði Bonucci um ákvörðunina að semja við Milan í fyrra.

,,Ég skil stuðningsmennina og ég virði þá. Ég samþykki baulið. Það er undir mér komið að breyta því.“