Lionel Messi er nýr fyrirliði Barcelona á Spáni en hann tekur við bandinu af Andres Iniesta.
Iniesta yfirgaf Barcelona fyrr í sumar en hann gerði samning við japanska félagið Vissel Kobe.
Messi þekkir bandið hjá Barcelona mjög vel en hann var oft fyrirliði liðsins á síðasta tímabili er Iniesta spilaði ekki.
Messi var varafyrirliði liðsins en Sergio Busquets tekur nú að sér það hlutverk. Þeir Gerard Pique og Sergi Roberto eru svo næstir í goggunarröðinni.
Messi spilar sinn fyrsta leik sem aðalfyrirliði Barcelona á sunnudag er liðið mætir Sevilla í spænska Ofurbikarnum.