Leander Dendoncker, nýr leikmaður Wolves, er mjög spenntur eftir að hafa skrifað undir samning við félagið í gær.

Dendoncker er belgískur landsliðsmaður en hann kemur til Wolves á láni frá Anderlecht í heimalandinu.

,,Að fara í ensku úrvalsdeildina er draumur allra fótboltamanna,“ sagði Dendoncker eftir undirskriftina.

,,Liðsfélagar mínir í landsliðinu segja að þetta sé stærsta deild heims. Þeir sögðu mér að koma hingað.“

,,Þeir sögðu mér að ég yrði betri með því að spila hérna og að spila í þessari deild væri eins og að vera í Meistaradeildinni í hverri viku.“

,,Ég held að það sé engin lygi því bestu leikmenn heims spila hérna.“