Thibaut Courtois gekk í gær í raðir Real Madrid á Spáni en hann kemur til félagsins frá Chelsea.

Courtois þekkir vel til Spánar og Madríd en hann lék lengi með Atletico Madrid í láni frá Chelsea.

Stuðningsmenn Atletico eru æfir yfir því að Courtois hafi samið við Real og eru á fullu að kalla hann rottu á samskiptamiðlum.

Courtois hjálpaði ekki til er hann kyssti merki Real Madrid í dag og útskýrði svo af hverju.

,,Ég hef aldrei kysst neitt merki áður en ég gerði það í dag því hér hef ég alltaf viljað spila,“ sagði Courtois.

Stuðningsmenn Chelsea eru einnig mjög ósáttir með Courtois og hafa látið hann heyra það á samskiptamiðlum.