HK missteig sig illa í toppbaráttunni í Inkasso-deild karla í kvöld er liðið fékk Þrótt Reykjavík í heimsókn.

HK var fyrir leikinn á toppi deildarinnar en eftir 1-0 tap á heimavelli í kvöld er ÍA komið í toppsætið.

ÍA vann á sama tíma Njarðvík á útivelli 2-1 og var framherjinn Jeppe Hansen aftur á skotskónum en hann kom frá Keflavík fyrr í mánuðinum.

Fram og Þór gerðu þá ótrúlegt 3-3 jafntefli þar sem jöfnunarmark Þórs kom úr víti á 94. mínútu leiksins.

Guðmundur Magnússon gerði þrennu fyrir Fram sem lenti 2-0 undir en Alvaro Montejo tryggði gestunum stig úr vítaspyrnu í blálokin.

ÍR vann þá mikilvægan sigur á Leikni Reykjavík í botnbaráttunni en Ágúst Freyr Hallsson gerði eina mark liðsins í 1-0 sigri.

HK 0-1 Þróttur
0-1 Daði Bergsson

Njarðvík 1-2 ÍA
0-1 Jeppe Hansen
0-2 Einar Logi Einarsson
1-2 Þórður Þorsteinn Þórðarson(sjálfsmark)

Fram 3-3 Þór
0-1 Sveinn Elías Jónsson
0-2 Ármann Pétur Ævarsson
1-2 Guðmundur Magnússon
2-2 Guðmundur Magnússon
3-2 Guðmundur Magnússon(víti)
3-3 Alvaro Montejo(víti)

ÍR 1-0 Leiknir R.
1-0 Ágúst Freyr Hallsson