Miðjumaðurinn Mateo Kovacic hefur staðfest það að hann vilji yfirgefa lið Real Madrid í sumar.
Kovacic hefur verið í varahlutverki hjá Real síðustu ár eftir að hafa komið til félagsins árið 2015.
Mörg ensk lið hafa sýnt Króatanum áhuga og er það nú ljóst að hann er fáanlegur í sumarglugganum.
,,Ég væri til í að fá að spila meira hjá Madríd því ég elska fótbolta og elska að vera á vellinum,“ sagði Kovacic.
,,Ég veit að það er erfitt að fá að byrja leiki hjá Real Madrid, sérstaklega því ég kom svo ungur til félagsins.“
,,Ég skil stöðuna og þess vegna held ég að það sé best fyrir mig að fara til félags þar sem ég get byrjað leiki reglulega. Það er tækifæri mig og ég vil taka það núna.“
