Kylian Mbappe er einn umtalaðasti leikmaður heims í dag eftir frábæra frammistöðu á HM í Rússlandi.
Mbappe var magnaður fyrir franska landsliðið og var lykilmaður er liðið tryggði sér titilinn sjálfan.
Árangurinn kemur fyrrum liðsfélaga hans, Tiemoue Bakayoko ekki á óvart en þeir tveir spiluðu saman hjá Monaco á sínum tíma.
,,Árangurinn hans kemur ekki á óvart. Hann er mjög ungur en mjög þroskaður,“ sagði Bakayoko.
,,Hann er mjög gáfaður leikmaður og ef þú skoðar það sem hann hefur þá er hann besti leikmaður heims.“
,,Ekki gleyma því að hann er mjög ungur og það er ekki auðvelt að spila gegn eldri leikmönnum og að vera svona fljótur á velli.“