Chelsea á Englandi hefur hafnað tilboði Real Madrid í sóknarmanninn belgíska Eden Hazard.
Frá þessu greina spænskir miðlar í dag en Hazard er efstur á óskalista Real ásamt markverðinum Thibaut Courtois.
Real ákvað að bjóða 100 evra punda í Hazard plús bónusa en Chelsea var ekki lengi að neita því boði.
Samkvæmt fréttum vill Chelsea fá 150 milljónir evra fyrir Hazard sem er einn allra mikilvægasti leikmaður liðsins.
Hazard hefur verið frábær fyrir Chelsea síðustu sex ár en hefur sjálfur gefið í skyn að hann vilji komast burt.
