Frank Lampard, fyrrum leikmaður Chelsea, naut þess aldrei að spila fyrir enska landsliðið.
Lampard var magnaður miðjumaður á sínum tíma en eins og aðrir átti hann í vandræðum er hann spilaði fyrir enska landsliðið.
Pressan er ávallt mikil hjá þeim sem spila fyrir England og segir Lampard að hann viti sjálfur hversu illa þeim gekk á sínum tíma.
,,Ég naut þess ekki að spila fyrir landsliðið og það er eitt af því sem ég sé eftir,“ sagði Lampard
,,Ég skemmti mér á EM 2004, mér gekk persónulega vel á því móti, okkur gekk öllum vel.“
,,Ég var svo einbeittur og ákveðinn, þegar ég vissi að ég væri ekki að spila vel eins og á HM þá var ég harður við sjálfan mig og svo kemur allt sem fylgir því.“
,,Ef allir eru hreinskilnir þá eru þeir á sama máli. Allir sem hafa verið í þessum ensku liðum munu segja það sama.„