Danski framherjinn Thomas Mikkelsen hefur skrifað undir leikmannasamning við knattspyrnudeild Breiðabliks. Thomas sem er stór og sterkur framherji kemur frá skoska liðinu Dundee Utd.
,,Daninn er 28 ára gamall og er tæplega 190 cm á hæð. Hann er fljótur og sterkur,“ segir á heimasíðu Blika.
Eins og komið hefur fram hafa Blikar leyst Tokic undan samningi og því kemur Thomas í hans stað í baráttuna í framlínunni.
Hann verður orðinn löglegur með Blikaliðinu 15. júlí. Fyrsti leikur hans verður því að öllum líkindum gegn Fjölni á Kópavogsvelli mánudaginn 16. júlí.