Andrei Kanchelskis, fyrrum leikmaður Manchester United, segir að Jose Mourinho þurfi að kaupa vængmenn til félagsins í sumar.
Kanchelskis segir að það sé skortur á góðum kantmönnum hjá félaginu, eitthvað sem Sir Alex Ferguson sá um að væri í lagi er hann var við stjórnvölin.
,,Eftir að Ferguson fór þá er erfitt fyrir hvaða stjóra sem er að vinna þarna,“ sagði Kanchelskis við Goal.
,,Eftir svona marga sigra þá voru stuðningsmennirnir vanir því að sjá liðið í fyrsta sæti.“
,,Það er skortur á góðum vængmönnum þarna eins margir og þeir voru í gamla daga. Það var mikilvægt að vera með góða vængmenn þá en kannski ekki eins mikilvægt í dag.“
,,Það eru fá lið sem nýta sér vængina. Kannski Bayern Munchen en ég sé ekki önnur. Það eru ekki margir góðir vængmenn í heiminum í dag.“