Grindavík 0-2 Breiðablik
0-1 Sveinn Aron Guðjohnsen(62′)
0-2 Gísli Eyjólfsson(70′)
Breiðablik vann sannfærandi sigur í Pepsi-deild karla í kvöld er liðið heimsótti Grindavík í áttundu umferð.
Leikur kvöldsins var engin frábær skemmtun og þá sérstaklega í fyrri hálfleik þar sem lítið var í gangi nema undir lokin þar sem Blikar voru nálægt því að skora.
Fyrsta mark leiksins kom á 62. mínútu er Sveinn Aron Guðjohnsen skoraði virkilega laglegt mark fyrir gestina.
Stuttu síðar bætti Gísli Eyjólfsson við öðru fyrir Blika og útlitið orðið svart fyrir heimamenn.
Fleiri mörk voru ekki skoruð í Grindavík og fara þeir grænu á toppinn í bili að minnsta kosti.