Arsenal ætlar að ræða við Thierry Henry um mögulega endurkomu til félagsins í næstu viku. Sky Sports greinir frá.
Arsenal leitar nú að nýjum stjóra en Arsene Wenger verður ekki áfram hjá félaginu á næstu leiktíð.
Í frétt Sky kemur fram að Mikel Arteta sé líklegastur til að taka við og áttu viðræður sér stað í dag.
Stjórn Arsenal á hins vegar eftir að funda um hver væri besti kosturinn og eru ófáir sem koma til greina.
Henry virðist vera einn af þeim en hann er í dag aðstoðarþjálfari belgíska landsliðsins.
