Vadim Vasilyev, vara forseti Monaco segir að að félagið sé tilbúið að selja Thomas Lemar, sóknarmann liðsins í sumar.
Lemar var sterklega orðaður við Arsenal og Liverpool síðasta sumar en bæði þessi félög lögðu fram tilboð í leikmanninn.
Monaco vildi hins vegar ekki selja hann, þrátt fyrir að Liverpool hafi boðið í kringum 75 milljónir punda í leikmanninn en þeir eru nú loksins tilbúnir að leyfa honum að fara.
Lemar var magnaður fyrir Monaco á síðustu leiktíð en hann hefur ekki verið jafn áberandi á þessari leiktíð þar sem hann hefur skorað 3 mörk og lagt upp önnur 8 í 33 leikjum.
Þá er Manchester City einnig sagt áhugasamt um leikmanninn sem verður eflaust afar eftirsóttur þegar sumarglugginn opnar.