433

Grétar og Kristbjörn keyrðu á Lödu til Rússlands

Björn Þorfinnsson
Miðvikudaginn 13. júní 2018 16:30

Á meðan að þorri íslenskra fótboltaáhugamanna leitaði að hagstæðum flugmiðum til Rússlands að fylgjast með HM þá fengu félagarnir Grétar Jónsson og Kristbjörn Hilmir Kjartansson aðra hugmynd. Þeir ákváðu að keyra til Rússlands. Félagarnir völdu sér ekki heldur neitt eðlilegt farartæki í ferðalagið, niðurstaðan varð forlát  Lada Sport, árgerð 2010, sem máluð var í íslensku fánalitunum.

Í frétt Austurfréttar á dögunum kom fram að Kristbjörn hefði eignast Löduna í leik á vegum Gamanferða rétt fyrir jól og hugmyndin um hið tryllta ferðalag hafi kviknað strax. „Það var hlegið að mér í vinnunni en eftir því sem við ræddum hugmyndina meira varð hún betri og betri,“ er haft eftir Kristbirni í fréttinni.

Þeir brunuðu frá Reykjavík til Egilsstaða á tryllitækinu og tóku síðan Norrænu yfir til Danmerku. Síðan tóku þeir viku í að keyra í gegnum Danmörku, Þýskaland, Pólland, Eystrasaltsríkin og síðan til Rússlands. Alls um 2.700 kílómetra leið. Ferðalagið virðist hafa gengið vel og allt stefnir í að þeir muni ná settu marki, að komast til Moskvu fyrir fyrsta leik Íslands á HM.

Fylgja liðinu alla leið og keyra svo heim

Ferðalaginu mun þó ekki ljúka í Moskvuborg. Eftir leikinn gegn Argentínu ætla félagarnir að keyra um 1.500 km leið til Volgograd og Rostov-on-Don til þess að fylgjast með næstu leikjum Íslands. Að sjálfsögðu ætla vinirnir að fylgja íslenska liðinu eins langt og það kemst í keppninni en þegar ferðalagi íslenska liðsins lýkur þá er það rétt hálfnað hjá Grétari og Kristbirni. Þeir eiga nefnilega eftir að keyra aftur heim til Íslands.

En það er seinni tíma vandamál. Samkvæmt instagram-síðu ferðalagsins (HmLadan) ráðgera félagarnir að keyra inn í Moskvuborg á morgun. Þeir hafa þegar boðað til fagnaðar á veitingahúsinu Social Club kl.14.00 þann sama dag þar sem þeir bjóða þeim sem hafa fylgst með ferðalaginu að hitta á sig. Viðbrögðin hafa ekki látið á sér standa og verður greinilega margt um manninn þegar HM-Ladan frá Íslandi mætir á svæðið.

Ferðalagi Grétars og Kristbjörns hefur vakið talsverða athygli utan landsteinanna. Þannig fjallaði þýski miðillinn Ruptly um ferðalagið auk þess sem pólska sjónvarpsstöðin tvn24 henti í innslag um strákana. Að auki hefur alþjóða knattspyrnusambandið FIFA gert ferðlaginu skil.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 14 klukkutímum

Einstaklingsmistök kostuðu Ísland gegn Belgum

Einstaklingsmistök kostuðu Ísland gegn Belgum
433Sport
Fyrir 14 klukkutímum

Töfrasending opnaði íslensku vörnina – Sjáðu mark Belga

Töfrasending opnaði íslensku vörnina – Sjáðu mark Belga
433Sport
Fyrir 16 klukkutímum

Hraunaði reglulega yfir Neville á æfingasvæðinu – ,,Hann kom hræðilega fram við mig“

Hraunaði reglulega yfir Neville á æfingasvæðinu – ,,Hann kom hræðilega fram við mig“
433Sport
Fyrir 17 klukkutímum

Byrjunarlið Belgíu gegn Íslandi – Hazard bræður byrja

Byrjunarlið Belgíu gegn Íslandi – Hazard bræður byrja
433
Fyrir 18 klukkutímum

Fyrrum framherji gagnrýndi Bolt harkalega – ,,Sterling og Pogba standa með mér“

Fyrrum framherji gagnrýndi Bolt harkalega – ,,Sterling og Pogba standa með mér“
433Sport
Fyrir 19 klukkutímum

Það sem Gerrard sagði við Rodgers eftir að hann heyrði af komu Balotelli

Það sem Gerrard sagði við Rodgers eftir að hann heyrði af komu Balotelli
433
Fyrir 21 klukkutímum

Klopp er fyrstur til að henda í partý þegar illa fer

Klopp er fyrstur til að henda í partý þegar illa fer
433Sport
Fyrir 22 klukkutímum

Páll fékk sér samloku og Atla var ekki skemmt: ,,Með bumbuna hangandi yfir buxnastrenginn“

Páll fékk sér samloku og Atla var ekki skemmt: ,,Með bumbuna hangandi yfir buxnastrenginn“