Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Romelu Lukaku er að íhuga brottför frá Manchester United en hann er orðinn pirraður á Jose Mourinho, stjóra félagsins. (Sun)
Paris Saint-Germain er tilbúið að selja annað hvort Kylian Mbappe eða Neymar til að sleppa við refsingu frá UEFA eftir að hafa brotið fjárlög. (L’Equipe)
Frenkie de Jong, efnilegur leikmaður Ajax, vill ganga í raðir franska stórliðsins frekar en Manchester City. (De Telegraaf)
Wolves er tilbúið að borga metfé upp á 34 milljónir punda til að kaupa Raul Jimenez frá Benfica en hann er í láni hjá félaginu. (O Jogo)
Rafael Benitez, stjóri Newcastle, neitar því að félagið hafi boðið 15 milljónir punda í Miguel Almiron, leikmann Atlanta United. (Goal)
Ólíklegt er að Liverpool muni kalla Harry Wilson til baka úr láni en hann hefur gert frábæra hluti með Derby. (Echo)