Manchester City 3-0 Wolves
1-0 Gabriel Jesus(10′)
2-0 Gabriel Jesus(víti, 39′)
3-0 Conor Coady(sjálfsmark, 78′)
Manchester City vann sannfærandi sigur í ensku úrvalsdeildinni í kvöld er liðið fékk Wolves í heimsókn.
Ballið byrjaði snemma leiks er Gabriel Jesus kom heimamönnum í City yfir eftir laglega sókn.
Willy Boly fékk svo að líta rautt spjald hjá gestunum á 19. mínútu leiksins og ljóst að verkefnið yrði mjög erfitt.
Jesus bætti við öðru marki sínu úr vítaspyrnu fyrir lok fyrri hálfleiks áður en Conor Coady varð fyrir því óláni að skora sjálfsmark í síðari hálfleik.
Lokastaðan því 3-0 fyrir meisturunum sem eru nú fjórum stigum á eftir toppliði Liverpool.