Ole Gunnar Solskjær, stjóri Manchester United, hefur engar áhyggjur af Jose Mourinho sem er án starfs þessa dagana.
Mourinho yfirgaf United í desember en hann var rekinn frá félaginu og tók Norðmaðurinn við.
Talað er um að Mourinho gæti verið í vandræðum með að finna nýtt lið eftir slakt gengi á Old Trafford.
Solskjær hefur þó engar áhyggjur af því en hann var spurður út í Portúgalann á blaðamannafundi í gær.
,,Af hverju ætti hann ekki að snúa aftur? Hann er frábær stjóri og miðað við úrslitin sem hann hefur náð í þá held ég að hann verði ekki í vandræðum með að finna starf,“ sagði Solskjær.
