Ungur stuðningsmaður Cardiff City kom sér í fréttirnar í dag er hann mætti á leik Cardiff og Fulham í ensku úrvalsdeildinni.
Cardiff vann sinn fyrsta leik í deildinni á tímabilinu en liðið skoraði fjögur mörk og hafði að lokum betur 4-2.
Aron Einar Gunnarsson sneri aftur í lið Cardiff eftir meiðsli og hjálpaði liðinu að næla í sín fyrstu þrjú stig.
Þessi ágæti drengur klæddist treyju Cardiff í stúkunni en hann ákvað að sleppa því að merkja hana með eigin nafni eins og venjan er.
Þess í stað lét hann skrifa ‘Fortnite’ aftan á treyjuna en Fortnine er gríðarlega vinsæll skotleikur sem fjölmargir spila.
Svona lítur treyjan hans út!
